23 ივლისს 17.00 საათზე, თიანეთის კულტურის სახლში, პროექტის “ახალი ქართული ფილმების რეტროსპექტივა რეგიონებში” ფარგლებში, მრავალი კინოფესტივალის პრიზიორის, რეჟისორ ნუცა ალექსი-მესხიშვილის ქართული ფილმის “კრედიტის ლიმიტი” ჩვენება გაიმართა.

პირველად, დიდი პაუზის შემდეგ, 23 ივლისიდან 10 სექტემბრის ჩათვლით, საქართველოს 19 რეგიონში მაყურებელი წარმატებულ თანამედროვე ქართულ ფილმებს ნახავს.

ყოველ ხუთშაბათს, ეკრანზე გამოვა ახალი ქართული ფილმი, რომლის ნახვის საშუალება მაყურებელს ერთი კვირის განმავლობაში ექნება. პროგრამაში შედის 2013-2015 წელს გადაღებული, ფართო აუდიტორიისთვის ნაკლებად ნაცნობი ფილმები, რომლებმაც მსოფლიოს წამყვან ფესტივალებზე წარმატებას მიაღწიეს.